کولیسٹرول کیا ہے؟ کیوں ہوتا ہے؟ اس سے بچاؤ کی تدابیر اور کولیسٹرول کا علاج

کولیسٹرول موم کی طرح چکنا مادہ ہے جو ہمارے جگر میں تیار ہوتا ہے اور ہماری غذا سے حاصل ہو کر خون میں ذرات کی شکل میں شامل ہو جاتا ہے۔ کولیسٹرول کی معمولی سی مقدار ہمارے جسم کی ساخت میں شامل خلیوں کی نشوونما اور صحت کے لیے بہت ضروری ہے۔

کولیسٹرول کی کارکردگی

یہ مختلف ہارمونز کی تیاری اور نظام ہاضمہ کی کارکردگی کا اہم جزو ہے۔ اس کے علاوہ یہ جسم میں حرارت پیدا کرنے کے لیے بھی استعما ل ہوتا ہے۔ خون میں کولیسٹرول ایک مقررہ حد تک رہے تو ہر چیز معمول کے مطابق کام کرتی ہے۔ تا ہم اگر یہ مقررہ حدسے بڑھ جائے تو بہت سارے مسائل جنم لیتے ہیں اور جسم کے مختلف اعضاء خصوصاً دل ،دماغ اور شریانوں پر بہت منفی اثر پڑتا ہے۔

خون میں کولیسٹرول کہاں سے آتا ہے؟

خون میں کولیسٹرول کی مقدار ، کسی حد تک ہماری غذا پر منحصر ہے ۔ لیکن اس کا زیادہ تر انحصا ر (80فیصد) ہمارے جگر میں اس کی پیداواری صلاحیت پر منحصر ہے۔ یہ سمجھیں کہ جگر ، کولیسٹرول پیدا کرنے کی فیکٹری ہے۔ کچھ لوگوں میں یہ فیکٹر ی موروثی طور پر ضرورت سے زیادہ کام کرکے خون میں کولیسٹرول کی مقدار مقرر کردہ حدود سے بڑھا دیتی ہے۔ یہ مقدار بڑھنے سے کولیسٹرول خو ن کی نالیوں کی اندرونی تہوں میں جمع ہوجاتا ہے اور کولیسٹرول کے ذخیرے (Plaques) بن جاتے ہیں۔جس کی وجہ سے خون کی گردش میں کمی واقعہ ہوجاتی ہے یا خو ن کی نالیاں بالکل بند ہو جاتی ہیں اور مختلف اعضاء کو نقصا ن پہنچتا ہے۔

کولیسٹرول کا علاج اور غذا کی کن کن اشیاء میں کولیسٹرول پایا جاتا ہے؟

• چھوٹا اور بڑا گوشت
• انڈے کی زردی
• ڈیری کی اشیاء مثلاً دودھ ، دہی ، مکھن ، پنیر
• گردہ ، کلیجی ، مغز وغیرہ میں کولیسٹرول بہت زیادہ ہوتا ہے
• مرغی اور مچھلی کے گوشت میں کولیسٹرول کی مقدار نسبتاً کم ہوتی ہے
• نباتات سے حاصل کردہ غذا مثلاً پھل ، سبزیاں ، دالیں ، میوہ جات میں بھی کولیسٹرول کافی کم ہوتا ہے

کولیسٹرول کی کتنی اقسام ہیں؟

• ایچ ڈی ایل (HDL: High Density Lipoprotein) کولیسٹرول
• ایل ڈی ایل (LDL: Low Density Lipoprotein) کولیسٹرول
• ٹرائی گلیسرائیڈز (Triglycerides)

کولیسٹرول کے ذرات بذات خود خون میں گردش نہیں کرتے بلکہ وہ ایک خاص پروٹین کے سہارے چلتے ہیں۔ اس پروٹین کو Lipoprotein کہا جاتا ہے۔ Lipoprotein کی مثال ایک گاڑی کی ہے جو سڑک پر چل رہی ہے اور اس پر سامان لدا ہوا ہے اور یہ سامان کولیسٹرول کی مختلف اقسام کا ہے جو خون کے ذریعے مختلف اعضاء تک پہنچتا ہے۔

اچھا کولیسٹرول (HDL) اور کولیسٹرول کا علاج

اس کولیسٹرول کو “اچھا” سمجھا جاتا ہے کیونکہ یہ کولیسٹرول کو خون کی نالیوں اور پٹھوں سے جگر کی طرف لے جاتا ہے۔ چونکہ جگر ایک فیکٹری کی طرح ہے تو یہ کولیسٹرول وہاں پہنچ کر بھسم ہوجاتاہے۔ اس طرح سے خون میں کولیسٹرول کی مقدار مقررہ حد میں رکھنے میں مدد دیتا ہے اور اعضاء خصوصی طور پر دل کی حفاظت کرتے ہیں۔

برا کولیسٹرول (LDL) اور کولیسٹرول کا علاج

یہ کولیسٹرول “برا” سمجھا جاتاہے کیونکہ یہی وہ قسم ہے جو خون کی نالیوں کی اندرونی تہوں میں جم کر ان کو موٹا کر کے خون کی گردش میں کمی لاتا ہے اور د ل کی شریانوں کے امراض کا باعث بنتا ہے۔

ٹرائی گلیسرائیڈز اور کولیسٹرول کا علاج

یہ وہ چکنائی ہے جو ذرات کی شکل میں اس وقت جمع ہوتی ہے جب جسم میں ضرورت سے زیادہ کیلوریز بہم پہنچائی جائیں۔ اضافی توانائی کی ضرورت پڑنے کی صورت میں (مثلاً ورزش ، بھاری جسمانی کام وغیرہ) ٹرائی گلیسرائیڈ کی ضرورت پڑتی ہے۔ تاہم خون میں ان کی زیادتی لگاتار رہنے کی صورت میں یہ دل کے امراض کا باعث بنتی ہے۔ ذیابیطس جیسے امراض میں ان کی مقدار بہت بڑھ جاتی ہے۔

خون میں کولیسٹرول کی مقررہ حد اور ہائی کولیسٹرول کا علاج

• ٹوٹل کولیسٹرول کی نارمل یا معمول کی مقدار 180 ملی گرام یا اس سے کم ہے۔
• بارڈر لائن ہائی کولیسٹرول کی مقدار 181 سے 199 ملی گرام ہے۔
• ہائی کولیسٹرول کی مقدار 200 ملی گرام یا اس سے زیادہ ہے۔

خون میں کولیسٹرول کے بڑھنے کی وجوہات

• موروثی اثرات بہت اہمیت کے حامل ہیں۔
• غذا میں چکنائی کی زیادتی جیسے انڈے کی زردی، نہاری، پائے وغیرہ۔
• تھائی رائیڈ، گردے اور شوگر کے امراض۔
• موٹاپا، ورزش کی کمی اور سگریٹ نوشی۔

ہائی کولیسٹرول کی علامات

عمومی طور پر ہائی کولیسٹرول کی کوئی علامات نہیں ہوتیں۔ اس کا پتہ صرف خون کے ٹیسٹ سے لگایا جا سکتا ہے۔ تاہم کچھ افراد میں کولیسٹرول آنکھوں کے گرد، جلد یا جوڑوں پر پیلے نشانات کی صورت میں جمع ہوجاتا ہے۔ وقت کے ساتھ یہ خون کی نالیوں کو تنگ کر کے دل اور دماغ پر اثر ڈالتا ہے۔

خون کی نالیوں میں کولیسٹرول جمنے کے منفی اثرات

خون کی نالیاں تنگ اورخون کی گردش کم ہونے سے مختلف اعضاء پر مندرجہ ذیل منفی اثرات مرتب ہو سکتے ہیں:

• ٹانگیں: شدید درد اور خون رکنے سے ٹانگ ناکارہ ہو سکتی ہے۔
• دماغ: خون جم جانے یا نالی پھٹنے سے فالج یا بیہوشی کی کیفیت۔
• دل: دل کا درد (Angina)، دل کا دورہ (Heart Attack)، ہارٹ فیلیر۔

قدرتی نسخہ برائے کولیسٹرول کا علاج

یہ ایک مجرب اور نایاب نسخہ ہے جو بہت محنت اور ریسرچ سے حاصل کیا گیا ہے۔ یہ نسخہ نہ صرف کولیسٹرول بلکہ شوگر اور بلڈ پریشر کے لیے بھی مفید ہے۔

طریقہ استعمال: ایک پاؤ کریلا لیکر چھیلنے کے بعد خشک کرلیں اور پھر اسے بیج سمیت گرائنڈ کر کے سفوف کی شکل میں محفوظ رکھیں۔ صبح اور شام آدھا چمچ کھائیں۔ یہ شوگر، بلڈ پریشر اور کولیسٹرول کے مرض کے لیے بے انتہا مفید ہے۔

روزانہ سیر کو اپنا معمول بنائیں اور جتنا ہو سکے تازہ پھلوں اور سبزیوں کا استعمال کریں۔ مزید معلومات کے لیے Mayo Clinic پر کولیسٹرول کا علاج بھی پڑھ سکتے ہیں۔